TUISBLAD

Full 1
Full 1
Full 2
Full 2
Full 3
Full 3
previous arrow
next arrow

Hier land jy nou op die Nr 1 Afrikaanse “Beauty Blog”

– ‘n skoonheidsblad in pront Afrikaans, die eerste volkome onafhanklike en gesaghebbende webwerf vir Mooi Middeljare en Meer.
Benewens nuus, gesprekke en wenke oor hoe om grasievol en beeldskoon te verouder, keer ons uitgediende, stowwerige ou persepsies oor skoonheid ná 40 op hul kop, draai dit sommer nek om en belig sake wat vroue in hierdie ryper, wyser, verouder-soos-goeie-wyn lewensfase raak.

Mooipraatjies is nou 6 jaar oud en ontslae van haar kleuterskoene. Verwag dus vernuwing en verandering in die komende maande. Een daarvan is dat ek my aansluit by die wêreldwye trend om nie meer te praat van teenveroudering (anti-ageing) nie, maar PRO-veroudering met grasie. Daarmee vereenselwig ek my met rolmodelle soos Jane Fonda en Helen Mirren wat hul rug keer op die obsessie om onnatuurlik jonk te wil lyk. Vanselfsprekend maak hulle gebruik van die hulpmiddels beskikbaar om hul voorkoms jeugdig, dog natuurlik te hou. Daar is net mooi niks fout daarmee nie. Maar hulle verouder met grasie en vier hulle voorkoms.

Hier is ons, bowenal, Tydloos Mooi. Ons fokus op Ageless (of my nuwe gunstelingwoord, De-Ageing)  in kontras met Anti-Ageing. Ons word immers almal oud – maar ons kan wel bepaal, beheer en bestuur hoe ons oud word. Dit glo ek vas.

Hierdie skip word as’t ware (nog steeds) op die see gebou, dus is party blaaie nog toekomsmusiek en aptytwekkers van wat kom. Ek het pas getrek van Johannesburg na Mosselbaai, en die rustiger pas van my lewe gaan my meer tyd bied om  Mooipraatjies groter en ouliker te maak! As jy wil weet wie ek is en waarom ek Mooipraatjies skryf, gaan loer in by Wie is Elsa

BLOG

KONTAK MY